Në vijim të aktiviteteve të parashikuara në projektin “Angazhimi i komunitetit për një mjedis më të pastër” që #QSNNN po realizon, me mbështetjen e Programit #LevizAlbania në Bashkinë Fushë-Arrëz u zhvillua fushata e parë e aksionioneve komunitare. Aksionet komunitare kanë për qëllim ngritjen e vetëdijes në publik, rritjen e përfshirjes së tyre dhe përfshirjen e medias në mënyrë që presioni i fushatës lobuese të përforcohet.
Aksione komunitare shërbejnë për të nxjerrë në pah faktin se pushteti vendor nuk ka vazhduar me realizimin e prioriteteve miratuara në Plan Strategjik Zhvillimi, dhe faktin se pushteti vendor duhet të ketë priroritet çështjet mjedisore. Si shembull i mirë sot vullnetaret nga gjithë bashkia Fushë-Arrëz dhe Komiteti Qytetar pastruan një pjesë të madhe të brigjeve të Lumit Fani i Madh nga mbeturinat plastike dhe ndotja e madhe duke bërë një fushatë ndërgjegjësuese të madhe për mbajtjen pastër të mjedisit.
